22. april 2022 Kongelege jubileum
Kong Haakon VII blei fødd i Danmark 3. august 1872 og døypt Christian Frederik Carl Georg Valdemar Axel. I 1896 gifta han seg med Maud Charlotte Mary Victoria av Sachsen-Coburg-Gotha, prinsesse av Storbritannia og Irland. I 1905 blei prins Carl vald til konge av Noreg. Han tok namnet Haakon VII og gav sonen prins Alexander namnet Olav. I 1940 blei Noreg angripe av tyske styrkar, og etter ei dramatisk flukt heldt kongen fram motstanden frå London til han kunne returnere til eit fritt Noreg i 1945. Etter ein periode med sviktande helse døydde kong Haakon 1. september 1957.
![2075](/frimerker-til-samling/arkiv-frimerkeprogram-2022/22-april-2022-kongelege-jubileum/_/image/7f93eb2c-b946-40a7-ab0e-8e50a58d2284:08f57b33d4c1465f20d17aec978cfacb498b55f8/width-768/2075.jpg)
Då prins Harald blei fødd 21. februar 1937, var han den første norskfødde prinsen på 567 år. Han tok over som konge i Noreg då kong Olav V døydde 17. januar 1991. I dag er pliktene til kongen hovudsakleg representative og seremonielle. Kong Harald V leier statsråd på Slottet kvar fredag og gjennomfører den offisielle opninga av Stortinget kvar haust. Kongen er glad i naturopplevingar, er idrettsinteressert og har sjølv fleire gode plasseringar i segling, både nasjonalt og internasjonalt. Kong Harald er høg beskyttar for den norske idretten.
![2073](/frimerker-til-samling/arkiv-frimerkeprogram-2022/22-april-2022-kongelege-jubileum/_/image/0690d745-331c-467a-87af-fbc39e90a4a1:e5c20151ec7eea0054bdb52715a04b85e6e75809/width-768/2073.jpg)
Dronning Sonja blei fødd i Oslo 4. juli 1937 som Sonja Haraldsen. Ho møtte dåverande kronprins Harald første gong i 1959. Dei gifta seg 29. august 1968, og Sonja blei kronprinsesse. Dronninga har eit sterkt samfunnsengasjement og har mellom anna vore visepresident i Norges Røde Kors. Ho har stor interesse for kunst og dei seinare åra også sjølv skapt grafikk og keramikk, og ho har delteke på ei rekkje utstillingar i inn- og utland. I 1988 etablerte ho Dronning Sonjas Internasjonale Musikkonkurranse.
![2074](/frimerker-til-samling/arkiv-frimerkeprogram-2022/22-april-2022-kongelege-jubileum/_/image/c5c93bff-60b9-483d-8c79-fa7b27135674:6c1fec10da6b6e771f1ddefe0f27c595327a2f9b/width-768/2074.jpg)
Prinsesse Ingrid Alexandra blei fødd 21. januar 2004 og er den som ifølgje Grunnlova skal bli den framtidige dronninga i Noreg. Ho vil då også bli den aller første norskfødde regjerande dronninga.
Prinsessa lever eit aktivt liv:
Ho er glad i å stå på ski, driv med kick- boksing og er glad i surfing og vass- sport. Når prinsesse Ingrid Alexandra no blir myndig, ventar fleire offisielle oppdrag for det norske kongehuset.
![2076](/frimerker-til-samling/arkiv-frimerkeprogram-2022/22-april-2022-kongelege-jubileum/_/image/d972a224-a648-478f-b18f-26d45fe23dbf:400bde8f59822132d62eed141e97ec482949c225/width-768/2076.jpg)
Fakta
- Kongelege jubileum
- NK 2073-2076
- 22. april 2022
- Motiv: Kong Harald V, dronning Sonja, kong Haakon VII, prinsesse Alexandra
- Illustrasjonar: Trond Bredesen
- Design: Camilla Kvien Jensen
- Verdiar: Kr 23 (innland 20 g)x 2, kr 29 (innland 50 g)x 2
- Type: To rullar à 100 frimerke, ein av kvar verdi
- Opplag: Innland 20 g: 2 532 500 av kvart frimerke
Innland 50 g: 1 032 500 av kvart frimerke - Trykkmetode: Offset frå Joh. Enschedé Security Print, Nederland